ఐన్‌స్టీన్‌
ప్రపంచ ప్రఖ్యాత తత్వవేత్త, సాపేక్ష సిద్దాంతకర్త ఐన్‌స్టీన్‌ హాస్య సంభాషణా చతురుడు కూడా. ఒకసారి ఆయన న్యూయార్క్ నగర వీధులలో నడిచి వెలుతున్నాడు, ఆయన వెనుకనే వస్తున్న ఒక మిత్రుడు " ఐన్‌స్టీన్‌ గారూ! మీరు చాల దూరం నుంచి నడిచి వస్తున్నారు. మిమ్మల్ని ఎవ్వరూ పట్టించుకున్నట్టు లేదు. మీ వంక ఎవ్వరూ చూడ్డంలేదు. కాని ఈ ఉదయమే ఈ రోడ్డు వెంట ప్రసిద్ద హాలీవుడ్ అందాల తార మర్లిన్‌ మన్రో కొంచెం దూరం వెళ్ళేసరికి ఆమెను జనం విరగబడి చూశారు్, ఇంత గొప్పవారైనా మిమ్మల్ని ఎవరూ పట్టించుకోలేదు. ఏ గొప్పతనం లేని ఆమెకు అంత విలువ దేనికి? " అన్నాడు.
వెంటనే ఐన్‌స్టీన్‌ " మిత్రమా! ఆమెలో చూడ్డానికి కొన్ని విశేషాలున్నాయి. నా వద్ద ఏమున్నదని చూస్తారు? " అనేసరికి ఆ మిత్రుడు కూడా చిరునవ్వులు చిందించాడు. ఔను! సినిమా గ్లామరుకు అమెరికా ఏమిటి? ఇండియా ఏమిటి?
కొస మెరుపు; అఖిల భారత కాంగ్రెసు అధ్యక్షుడు, కేంద్ర హోమ్‌మంత్రి, మహరాష్టృ గవర్నర్ పదవులు నిర్వహించిన కాసు బ్రహ్మనందరెడ్డిగారు ఆంధ్రప్రదేశ్ ముఖ్యమంత్రిగా ఉన్నప్పుడు ఆయనను ఒక సినీ తారల ఉత్సవానికి ముఖ్య అతిధిగా నేను ఆహ్వనించినప్పుడు ఆయన " సినీతారల ముందు మన ముఖాలు ఎవరు చూస్తారండి! నన్ను వదిలిపెట్టండి బాబూ " అన్నారు. ఐన్‌స్టీన్‌ వ్యాఖ్య్ కూడ అలాంటిదే.
No comments:
Post a Comment